Колядный обряд «Конікі» на Столинщине

Ведаеце, кожны, хто лічыць сябе беларусам, павінен пабываць у гэтым гарадку, на гэтым свяце. Галоўным яго героем з'яўляецца Конік, які і даў назву ўнікальным шчадроўкам, якія праходзяць тут штогод з 13 на 14 студзеня.

У час, калі ўсе «нармальныя» людзі рыхтуюцца адзначыць стары Новы год застоллем, гэтыя «швэндаюцца» з хаты ў хату, ды яшчэ ў якіх уборах! Бразільскі карнавал, не інакш!

Удзельнікі мiкрапраекта мiжнароднай тэхнiчнай дапамогi Праграмы трансгранiчнага супрацоўнiцтва «Польшча - Беларусь - Украiна 2007-2013» «Адраджэнне i захаванне народных традыцый у арганiзацыi i правядзеннi мясцовых свят i абрадаў» трансгранiчнага аб'яднання «Еўрарэгiён "Буг"» пры фiнансавай падтрымцы Еўрапейскага саюза прыбылi сюды напярэдаднi. Праект арганiзаваны i рэалiзуецца абласным аграпрамысловым саюзам. І гэта надало святу яшчэ больш каларыту.

А 19-й гадзіне «двіжуха», як кажа моладзь, пачалася. «Гарадчукі» (так называюць сябе мясцовыя жыхары) выходзяць шчадраваць.Тыя, хто шчадруюць, не так сабе хлопцы і дзяўчаты з торбай. У нас быў выдатны «конік» Сяргей, яго верны мушкецёр, індзеец, Дзед Мароз, Снягурка, Маша, санітарка і яшчэ Бог ведае хто, каго ў цемры адразу не распазнаеш. Ірванулі да першага катэджа, і ўмомант урэзаў гармонік, палiлiся песні, прыпеўкі. Конь рваўся ў пакоі і да стала, але гаспадары яму ўсё ж крыху адварочвалі морду. Наогул тыя, хто шчадруюць, усюды адчуваюць сябе ў гэты вечар поўнымі гаспадарамі. Усе ім рады, наўрад ці хто падумае не пусціць, такая ўжо тут завядзёнка. Горад не спіць амаль ўсю ноч, літаральна, як у нас на Новы год 31 снежня.

Пасля парада - канцэрт на плошчы. Пералічыць гурты - справа дарэмная. Да паўночы будзеш гэта рабіць, і нічога не атрымаецца. Свае мясцовыя, з навакольных вёсак, з Маларыты і Драгічына. А на гэты раз упершыню і з Польшчы. Дарафей Фіёнік з кампаніяй з Бельска-Падляшскага ўсё пашырае асваенне берасцейскіх прастораў.

На канцэрце была такая атмасфера, што некаторыя танцоры, здаецца, уваходзілі ў экстаз. І гледачоў сабралася вельмі шмат. Кажуць, з навакольных вёсак іх прыязджае штогод усё больш і больш.

Мэр Давыд-Гарадка Вячаслаў Стаднік віншаваў і даваў узнагароды, так сказаць, па сваёй лініі. Свята планавалася да гадзіны ночы, але разышлiся, можа, і пазней.

Видео с мероприятия:

Фотогалерея мероприятия:

Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения Нажмите для увеличения

Партнеры проекта:

partner1 partner1 partner1 partner1